☆小sUnSuN☆'s profileミ 檸檬草的味道 Ψ →→PhotosBlogListsMore  |  Tools Help |
|
8/30/2008 黑仔SUN又嚟報到啦～又係一個星期五！唉～又係時候描述下我運滯0既一日啦。今日淩晨，突然發現咗一個超級嚴重0既問題。為咗解决哩個有始以嚟最嚴重0既問題，我搞咗成晚直至天光。由于仲未準備上課0既嘢又加上欠缺睡眠，所以我决定咗唔去上課啦，因爲我知道我實起唔到身。話雖如此，但我都係有較鬧鐘。幾個鐘之後，鬧鐘響完之後我果然又訓著咗。就喺哩個時候，我電話響咗，我接完之後當堂醒晒。望下個表，發現時間差唔多係我上次準備出門0既時間。今次我竟然毫無猶豫，不過都冇時間俾我猶豫，我决定趕去上課啦，雖然唔知趕唔趕得上，但試過先算啦！去到車站，架車竟然未到，唉～點解上個星期果部會咁早走咗架？唔明！跟住上車冇幾耐之後，我捻都冇捻到竟然有人查票！真係千年都未遇到一次，况且果陣係學生放學時間。頂～有冇再黑仔D啊我？我趕成咁，邊會有帶學生證先得架！我用0既仲要係張新票，幾驚佢會收咗啊。不過不幸之中0既大幸係好彩最終我都大步攬過。Finally，我終于都上到哩堂課啦！實驗證明，原來喺毫無計劃0既情况下事情反而會順利，我越準備得多反而越難控制。最後提一下，我翻到CITY果陣去到TRAM站，竟然會冇TRAM搭，激死我啦！真係咩唔好0既嘢都會俾我遇著。。。 TrackbacksThe trackback URL for this entry is: http://sunnylin32.spaces.live.com/blog/cns!5660476241AE399C!1214.trak Weblogs that reference this entry
|
|
|
